आटपाडी तालुक्यातील पाच रस्त्यांना प्रमुख जिल्हा मार्गाचा दर्जा आमदार सुहास अनिलभाऊ बाबर यांच्या पाठपुराव्याला यश
आटपाडी kd24newz ;आटपाडी तालुक्यातील एकूण पाच प्रमुख जिल्हा मार्गांना 1) पडळकरवाडी जांभुळणी कामत नांगरेमळा आटपाडी प्रजिमा 168 रस्ता, 2) प्रजिमा-50 पासून मासाळवाडी बनपूरी बाळेवाडी, गोमेवाडी ते रामा-151रस्त्यास मिळणारा रस्ता प्रजिमा 169 3) रामा-151 पासून कौठुळी पिंपरी खुर्द आंबेवाडी बोंबेवाडी खांजोडवाडी या.पा.वाडी माडगुळे प्रजिमा 170 , 4) प्रजिमा-25 खरसुंडी बाळेवाडी करगणी शेटफळे चिंध्यापीर प्रजिमा 171 रस्ता, 5) शुक्राचार्य हिवतड गोमेवाडी अर्जुनवाडी खरसुंडी रस्ता प्रजिमा 172 या पाच रस्त्यांना प्रमुख जिल्हा मार्ग म्हणून दर्जोन्नतीची मान्यता मिळाली आहे. या निर्णयामुळे तालुक्यातील रस्त्यांच्या दुरुस्ती, मजबुतीकरण, रुंदीकरण आणि वाहतूक सुविधांना गती मिळणार आहे.
या संदर्भात अनिलभाऊंच्या मागणीसह आमदार सुहास अनिलभाऊ बाबर यांनी राज्य शासन, संबंधित विभाग आणि अधिकाऱ्यांशी सातत्याने पाठपुरावा करून हा महत्त्वपूर्ण निर्णय मंजूर करून घेतला.
या निर्णयामुळे शेतकऱ्यांना त्यांच्या शेतीमालाची वाहतूक अधिक सुलभ होईल, ग्रामीण भागातील लोकांना शहराशी सहज संपर्क साधता येईल आणि रोजगाराच्या नवीन संधी निर्माण होतील. या महत्त्वपूर्ण निर्णयाबद्दल तालुक्यातील ग्रामस्थांनी महायुती शासनाचे आणि आमदार सुहास बाबर यांचे मनःपूर्वक आभार मानले आहे
सार्वजनिक बांधकाम विभागाच्या ताब्यात रस्ता हस्तांतरित झाल्यामुळे तालुक्यातील रस्त्यांची नियमित देखभाल, डांबरीकरण आणि दर्जेदार दुरुस्ती होणार आहे. राज्य शासनाकडून सार्वजनिक बांधकाम विभागाला अधिक निधी उपलब्ध होत असल्याने विकासकामे वेळेत पूर्ण होतील. तांत्रिक मानकांनुसार काम झाल्याने रस्त्यांचा दर्जा वाढेल, टिकाऊपणा सुधारेल. यामुळे मालवाहतूक, प्रवासी वाहतूक आणि आपत्कालीन सेवा सुलभ होतील, तसेच उद्योग, शेतीमाल वाहतूक, शिक्षण व आरोग्य सुविधा यांना गती मिळून स्थानिक विकासाला चालना मिळेल.
तसेच येत्या काही दिवसात आटपाडी तालुक्याला तीन राज्य महामार्ग मिळणार आहेत.
