मिठीत सामावलेलं आयुष्य…! पारेकरवाडीत वृद्ध मातेच्या गळाभेटीतून उमटले विद्याताई मोटे वरचे प्रेम

 मिठीत सामावलेलं आयुष्य…! पारेकरवाडीत वृद्ध मातेच्या गळाभेटीतून उमटले विद्याताई मोटे वरचे प्रेम

पारेकरवाडीत महिलांचा उद्रेक, विद्याताई मोटेंना मायेचा कौल

आटपाडी ;निंबवडे जिल्हा परिषद गटाच्या शिवसेनेच्या अधिकृत उमेदवार ॲड. विद्याताई मोटे यांच्या प्रचार दौऱ्यादरम्यान पारेकरवाडी येथे घडलेला हा क्षण केवळ राजकीय कार्यक्रमाचा भाग नव्हता, तर तो जनतेच्या मनात खोलवर रुतून बसणारा, डोळे पाणावणारा आणि काळजाला हात घालणारा अनुभव ठरला.

प्रचारासाठी विद्याताई मोटे गावात दाखल होताच पारेकरवाडीतील महिला नागरिकांनी त्यांचे आपुलकीने, मायेने आणि जंगी स्वागत केले. कुठे ओवाळणी, कुठे शुभेच्छा, तर कुठे आशेने भरलेले डोळे, संपूर्ण वाडी जणू आपल्या माणसाच्या स्वागतासाठी एकवटली होती.

याच गर्दीत अचानक एका वृद्ध महिलेने विद्याताई मोटेंना घट्ट मिठी मारली. त्या मिठीत शब्द नव्हते… घोषणा नव्हत्या… पण संपूर्ण आयुष्याचा अनुभव, वेदना, अपेक्षा आणि “तू आमचीच आहेस” ही भावना ओसंडून वाहत होती. त्या वृद्ध मातेच्या डोळ्यांतून वाहणारे अश्रू आणि विद्याताईंच्या डोक्यावरून फिरणारा मायेचा हात पाहून उपस्थित अनेक महिलांचेही डोळे भरून आले.

ही गळाभेट म्हणजे क्षणिक भावना नव्हती. ती गेल्या अनेक वर्षांपासून विद्याताई मोटे यांनी महिलांसाठी केलेल्या सामाजिक कार्याची जिवंत साक्ष होती. महिलांचे प्रश्न असोत, अन्यायाविरुद्ध उभं राहणं असो, अडचणीत सापडलेल्या भगिनींना आधार देणं असो, विद्याताई प्रत्येक वेळी कुटुंबातील मुलीसारख्या, बहिणीसारख्या त्यांच्या पाठीशी उभ्या राहिल्या आहेत.

ॲड. विद्याताई मोटे या केवळ प्रचार करणाऱ्या उमेदवार नाहीत, तर त्या महिलांच्या दुःखात सहभागी होणाऱ्या, त्यांच्या डोळ्यांतील वेदना ओळखणाऱ्या आणि त्यावर फुंकर घालणाऱ्या नेतृत्वाचं प्रतीक आहेत. त्यामुळेच पारेकरवाडीतील महिला नागरिकांनी कोणत्याही आवाहनाशिवाय, मनापासून विद्याताई मोटेंच्या पाठीशी उभं राहण्याचा निर्धार व्यक्त केला.

“ही आमच्यासाठी निवडणूक नाही, ही आमच्या माणसासाठीची लढाई आहे,” अशी भावना महिलांच्या शब्दांतून आणि डोळ्यांतून स्पष्ट दिसत होती. महिलांच्या सुरक्षिततेपासून सन्मानापर्यंत, स्वाभिमानापासून विकासापर्यंत, प्रत्येक प्रश्नावर विद्याताई मोटे आमच्यासोबत आहेत, हा विश्वास या क्षणातून ठळकपणे अधोरेखित झाला.

हा फोटो म्हणजे कॅमेऱ्यात टिपलेला एक क्षण नाही, तर माणुसकीचं, मातृत्वाचं आणि विश्वासाचं जिवंत चित्र आहे. राजकारणाच्या गदारोळात हरवलेली संवेदनशीलता अजून जिवंत आहे, याची आठवण करून देणारा हा क्षण पारेकरवाडीच्या इतिहासात कायम लक्षात राहील.

मायेच्या त्या मिठीतून व्यक्त झालेला विश्वासच विद्याताई मोटेंच्या नेतृत्वाचा खरा आधार आहे,आणि तोच त्यांच्या विजयाची नांदी ठरत आहे.